Bokelskere.no

Dette er ei bok alle single i offentleg sektor må lesa. Og fleire til! Frilynt skrive om alvorlege ting, men datt litt saman mot slutten.

Godt poeng, samstundes som han nyttar Gaia-temaet frå Commonwealth-bøkene.

Peter F. Hamilton er min store sci-fi-favoritt for tida. Han skriv episke romanar, samstundes som dei har element av både krim og sosialt engasjement. Denne boka skil seg litt frå det han har gjort dei siste åra ved at det er ei enkelt bok og ikkje ein trilogi. Samstundes gjenbrukar han somme av grepa frå tidlegare bøker - meir kan eg ikkje seie utan å røpe for mykje av løysinga...

Dette kan vera ei fin bok å starte med om du vil bli kjent med ein god sci-fi-forfattar, eventuelt kan du starte med Greg Mandel-serien.

Diverre er ingen av bøkene komne ut på norsk enno. Sc-fi som litteratur har ikkje same status som fantasy, sjølv om sci-fi som film er populært. Det er veldig synd, sci-fi som sjanger gjer det mogleg med samfunnskritikk på eit nivå som samtidsskildringar manglar. Hamilton er god til å trekkje trådar framover og lage realistiske framtidssamfunn gjennom å draga tendensar frå i dag ut i ytste konsekvens.

Absolutt leseverdig krim frå Gudbrandsdalen. Ser ut til at forfattarane har ambisjonar om å halde fram, vil gjerne halde fram med å lesa dei.

Dette er absolutt verdt å lesa! Eigentleg burde alle soldatane i Telemarkbataljonen få eit eksemplar gratis...

Hei! No er basane til Klepp, Sola og Time slegne saman med katalogadressa http://asp.bibits.no/jaerbiblioteka. Kan du ordne det? Anten at du legg inn den adressa for kvart av biblioteka, eller at du legg inn "Jærbiblioteka Klepp, Sola, Time" som erstatning for alle tre?

Denne boka kan setje i gang mange fruktbare diskusjonar i norske bibliotek. Korleis gjera biblioteka meir "kunde"-orienterte? Kven er vi der for? Mykje matnyttig, praktisk og politisk godt her.

Kva skal ein seie? Plottet er i og for seg spennande nok, men etter 200 sider blir ein lei av å lesa om kor perfekt Patrik er som far - og då er du berre halvvegs. Språket er flatare enn tidlegare bøker, og i det heile: ikkje den beste krimen.

Rett og slett ei grusam og god bok på ein gong! Eg vart direkte uvel av henne, men måtte lesa ferdig.

Glimrande! Då fungerer det på alle Mikromarc-bibliotek, iallfall vi som er på sentraldrift (adressa startar med asp.bibits.no), som t.d. sola-fb og strand_fb. Eg ser at dei varierer mellom bindestrek, lågstrek og punktum mellom kommunenamn og fb, så det må du nesten sjå i kvart tilfelle.

Her er tilsvarande streng for Time: http://asp.bibits.no/time-fb/wsHitList.Asp?sString=OF=tore%20renberg

På tittel blir det t.d. http://asp.bibits.no/time-fb/wsHitList.Asp?sString=OT=pixley%20mapogo

Det du då truleg må gjera er å leggje strengen med OF på forfattar og OT på tittel. Om du vil gjera det enklare så kan du nytte FT for fritekst, men då blir søket sjølvsagt mindre nøyaktig.

Det er 4 store system i Noreg: Bibliofil (mange større folkebibliotek), Mikromarc (mange små og mellomstore folkebibliotek), Aleph (nokre få større folkebibliotek) og Bibsys (høgskule- og universitetsbibliotek). I Rogaland finst alle 4 systema, og alle dekkjer ganske store område :-)